Dil ango dilê mirov, bi eslê xwe dişibe pompeyekê ku ji masûlkeyan pêk tê.

Ji boy berdewamiya jiyanê, divê xurek, hormon û oksîjen, bigihîje hemû şane û xaneyên laş. Madeyên paşmayî yên wekî karbona dîoksîd, ure, av, xwêy jî divê ji xaneyan bên dûrxistin. Ango ji boy bicihanina erka xwe divê xwîn li her aliyê laş de bigere. Xwîna mirov di nav lûleyên xwînê de diherike, lê xwîn bi tena serê xwe nikare biherike, pêdivî bi pompeyek heye. Pompeya laş dil e. Dil pesta xwînê berz dike bi vî awayê xwîn di nav lûleyên xwînê de bi lez diherike û belavê laş dibe. Ji boy gera xwînê, hêza sereke ji dil peyda dibe. Pêwendiya peyvên wekî, kardiyolojî, kardiyolog, eloktrokardiyografî, perîkardiyum, miyokardiyum, bi dil ve heye. Di zimanê Yewnanî de ji boy tiştên bi dil ve tekîldarin peyva “kardia” tê bikaranîn.
Kardiyolojî: Beşek ji zanista bijîşkî ye, lêgerînên kardiyolojîyê li ser pêkhateya dil û nexweşiyên dil e.

Bijîşkên pisporiya wan li ser pêkhateya dil û nexweşiyên dil e, wekî kardiyolog bi nav dibin.

Dil bi eslê xwe dişibe pompeyek, lê ev pompe ne ji hesin û plastîk, lê ji masûlkeyan pêk tê. Berevajiyê pompeyên mekanîk, dil pir dişixule û zûbizû xera nabe.
Di rewşa asayî de dilê mirov di xulekek(deqe) de bi qasî 70 -75 car lê dide. Dilê mirov rojê 108000, salê ji 39 milyonê zêdetir lê dide. Di tevahiya jiyana 75 salî de dilê mirov 3.000.000.000 car lê dide.
Bi her lêdanê, dil bi qasî 70mL xwîn pompe dike. Ango di xulekek de 5.25 lître, di rojek de 14 000 lître, di salê de 10 000 000 lître xwîn pompeyê lûleyên xwînê dike (bêhtir…)

Bûyer

• 
  1945 – Bajarê Berlînê ji aliyê DYA'yê ve hate bombebarankirin.


• 
  1948 – Rêxistina Peymana Atlantîka Bakûr NATO hate sazkirin.


• 
  1953 – Li navçeyên herêma Marmarayê Gönen, Pazar, Çan û Yeniceyê erdhej çêbû. Di erdhejê de nêzî 10 hezar avahî hilweşiyan û 260 kes mirin.


• 
  1962 – Şerê ku 7 salan li Cezayîrê domkiribû, bi dawî bû.


• 
  1963 – Fransayê yekem ceribandina nûkleerî ya bombeya atomê kir.


• 
  1965 – Kozmonotê Sovyetê yê rûsî Alexei Lenovov yekem car li ser li fezayê meşiya. Lenovov bi 2 hezar û 177 kîlometir bilindahiyê bi keştiya ezmanî ya bi navê „Voskhod" yanî „Rojhilat" bi qasî 20 deqan di valatiyê de ma. Lenovov ji vî wextî tenê 12 deqe 9 saniyan bi meşê derbas kir.


• 
  1979 – Di ecama êrîşeke dewleta Îranê de, ya li ser bajarê Sineyê, bi sedan xelkê bajêr yên kurd jiyana xwe ji dest dan.


• 
  1993 – Agirbesta ku PKK'ê îlan kiribû destpê kir. PKK'ê heta 15'ê nîsanê bi awayekî yek alî li hemberî artêşa tirk şer rawestand.


• 
  1997 – Balafira bi tîpa rûs AN-24 li Tirkiyeyê ket. Di encama bûyerê de 50 kes mirin.

Jidayîkbûn

• 
  1828 – William Randall Cremer, siyasetmendê xwediyê Xelata Nobelê
  


• 
  1837 – Grover Cleveland, serokdewletê 22^em û 24^em ê DYA'yê


• 
  1936 – Frederik Willem de Klerk, siyasetmendê xwediyê Xelata Nobelê
  


• 
  1986 – Lykke Li, stranbêja swêdî

Mirin

• 
  1980 – Erich Fromm, psîkoanalîst û lêkolîner


• 
  1996 – Odysseus Elytis, helbestvanê xwediyê Xelata Nobelê